Gwrandawiadau Llys yn yr Uchel Lys a'r Llys Sirol

Mae'r arweiniad hwn ar eich cyfer chi os ydych chi wedi derbyn hysbysiad gan y llys i ddod i wrandawiad, un ai ar gyfer eich achos eich hun neu fel tyst mewn achos.

Mae'n bosibl y cynhelir y gwrandawiad naill ai yn ystafell y llys neu yn ystafell y barnwr. Mae gwrandawiadau weithiau'n 'gyhoeddus' ac weithiau'n 'breifat', a'r barnwr sy'n penderfynu pa un.

Caniateir i aelodau'r cyhoedd fod yn bresennol mewn gwrandawiad cyhoeddus, os oes digon o le iddynt, ac mewn gwrandawiad preifat, dim ond y bobl sy'n rhan o'r achos (a elwir yn 'bartïon'), eu tystion a'u twrneiod sy'n cael bod yn bresennol.

Os ydych chi'n poeni am ymddangos yn y llys, ac y byddai'n well gennych chi beidio â gweld y parti arall wrth i chi aros neu os hoffech chi fynd i weld y llys cyn yr achos, gallwch gysylltu â Swyddog Gwasanaeth Cwsmeriaid y llys ymlaen llaw.