Llys y Goron

Mae Llys y Goron yn ymdrin â throseddau mwy difrifol megis llofruddiaeth, trais rhywiol neu ladrad, rhai ohonynt yn destun apêl neu'n rhai a gyfeiriwyd gan y llysoedd Ynadon.

Gwrandewir treialon gan Farnwr a rheithgor 12 aelod. Dewisir aelodau o'r cyhoedd ar gyfer gwasanaeth rheithgor neu efallai y bydd rhaid iddynt fynd i'r llys fel tystion.

Mae gan Lys y Goron 77 o ganolfannau ym mhob cwr o Gymru a Lloegr.

Mae'n delio ag achosion a drosglwyddir o'r Llysoedd Ynadon. Mae hefyd yn gwrando apeliadau yn erbyn penderfyniadau Llysoedd Ynadon, ac mae'n ymdrin ag achosion a anfonir o'r llysoedd ynadon er mwyn cael dedfryd.